Ayon sa DepEd Order 107, inaprubahan ng Comelec ang isang special guidelines upang hindi magamit ng mga pulitiko ang mga paaralan at maprotektahan ang integridad ng mga guro na siyang mangangasiwa sa eleksyon.
Ang lahat umano ng public school ay dapat ‘campaign-free’ zone. "No politicians or candidate can use the school premises or teachers to stage political rallies or engage in campaining within school premises," pahayag ng DepEd.
Ipinagbabawal ng DepEd ang pagdidikit ng mga campaign materials sa anumang pag-aari ng paaralan partikular sa mga pader. Bawal din ang pangangampanya sa loob ng mga paaralan.
Hinimok rin ng Comelec ang mga opisyal ng paaralan na magkabit ng mga "Clean Schools, clean elections" upang paalalahanan ang mga pulitiko.
"During the campaign period and up through election day, it is unlawful to distribute any election campaign materials within the premises of public school,’ pahayag pa ng memo.
Binigyan din ng kapangyarihan ang mga guro at principal na alisin ang mga poster sa loob at labas ng nasasakupang eskuwelahan. (Ulat ni Edwin Balasa)