14 preso bibitayin sa Agosto

Sa darating na buwan ng Agosto, itutuloy na ang pagbitay sa 14 na death convict matapos na pansamantalang ipinagpaliban ng Korte ang nakatakdang execution sa kanila ngayong Pebrero.

Nabatid sa New Bilibid Prisons (NBP), may 32 death convicts na may warrant of execution ang nakasalang sa lethal injection chamber. Ang mga ito ay nakatakda sanang bitayin ngayong buwan.

Base sa pinakahuling record ng NBP, may 1,028 ang dapat bitayin kung saan 29 dito ay pawang mga kababaihan at ang tatlo ay pinagtibay ng Korte Suprema habang umaabot naman sa 999 ang lalaking death convict, karamihan sa mga ito ay may kasong kidnapping. (Lordeth Bonilla)