^

Metro

353 lovebirds nilitson sa NAIA

-
Ang kinatutuwaang mga lovebirds ay hindi na aabot pa ng Valentine’s Day dahil inihaw na ito ng mga awtoridad sa isang bodega sa Ninoy Aquino International Airport dahil pumasok ito ng bansa nang walang import permit at pinaghihinalaang may taglay na bird flu.

Sinabi ni Dave Catbagan, hepe ng Animal Quarantine sa NAIA, ang may 353 pirasong budgericars, ang tawag sa mga parrot na may katangi-tanging mga kulay sa katawan ay isinilid sa isang incinerator para sunugin malapit sa Miascor bonded warehouse kahapon.

Ayon kay Catbagan, lumabag umano ang importer nito dahil walang kaukulang permiso ang mga ibong ipinasok.

Isa pa umano sa dahilan kaya pinatay ang mga ibon ay dahil nagtataglay umano ito ng avian flu virus.

Dumaan kasi ang eroplano ng Kuwait Airlines flight KU-411 sa Bangkok, Thailand kaya nagduda ang mga awtoridad sa airport at baka may sakit itong taglay kaya’t agaran ang ginawang pagdidispatsa sa mga ito upang hindi na kumalat pa ang sakit sakaling positibo ngang may bird flu ang mga ito. Ang Bangkok, Thailand kasi ay isa sa mga bansang iniulat ng World Health Organization (WHO) na apektado ng bird flu.

Binigyang-diin pa ni Catbagan na ang mga ‘hot cargo’ ay pinigil alinsunod sa kautusan ni DA Secretary Luis Lorenzo na pigilan ang pagpasok ng mga ibon, manok at iba pang poultry products mula sa Asian countries na apektado ng bird flu. (Ulat ni Butch M. Quejada)

vuukle comment

ANG BANGKOK

ANIMAL QUARANTINE

BUTCH M

CATBAGAN

DAVE CATBAGAN

KUWAIT AIRLINES

NINOY AQUINO INTERNATIONAL AIRPORT

SECRETARY LUIS LORENZO

WORLD HEALTH ORGANIZATION

  • Latest
  • Trending
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with