Nakaratay ngayon sa Manila Central University Hospital ang biktima na nakilalang si PO1 Rodel dela Cruz, 24 naninirahan sa 136 Landaska 2 Torcillo St. Brgy. 28 ng nabanggit na lungsod at nakatalaga sa Regional Special Action Unit- National Capital Regional Police Office na nagtamo ng saksak sa mukha at katawan bukod pa sa mga pasa at bugbog.
Pinaghahanap naman ng mga awtoridad ang isa sa mga suspect na nakilala lamang sa pangalang Aguila Cabuang na mabilis na tumakas matapos ang insidente.
Batay sa report ng pulisya, naganap ang insidente dakong alas-2:30 ng madaling-araw sa Purok 1, Kawal, Dagat-Dagatan, C.C. Naglalakad si dela Cruz kasama ang kapatid nitong si Michael nang biglang pagsasaksakin at paluin ng dos por dos ng mga suspect.
Mabilis namang nakatakbo si Michael upang humingi ng tulong sa barangay tanod at nagsitakas din ang mga suspect nang makitang paparating na ang sasaklolo sa biktima. (Ulat ni Rose Tamayo)