Binata nagbigti matapos kalasan ng gf

Isang 21-anyos na binata ang nagpakamatay dahil sa hindi makayanang kabiguan sa buhay makaraang makipag-break ang kanyang girlfriend kahapon ng tanghali sa Las Piñas City.

Nakilala ang nasawi na si Apollo Vincent Ocariza, ng 1-B Brgy. CAA Compound, nabanggit na lungsod matapos itong magbigti ng nylon cord. Sa imbestigasyon ni PO3 Aristotle Raquio ng Criminal Investigation Division (CID), Las Piñas Police, nabatid na dakong alas-10 kamakalawa ng gabi ay nakipag-inuman muna ang biktima sa kanyang dalawang kaibigan na nakilalang sina Jaypee Molino at Christian Valencia, kung saan naikuwento nito na nasaktan siya sa ginawang pakikipag-break sa kanya ng kasintahan na hindi na nabanggit ang pangalan. (Ulat ni Lordeth Bonilla)