Dead on arrival sa Valenzuela General Hospital ang biktimang kinilalang si Eduardo Padua, 44, may-asawa at naninirahan sa # 16 A Antonio St., Rincon ng nasabing lungsod sanhi ng tinamong malalalim na saksak sa iba’t-ibang bahagi ng katawan.
Pinaghahanap naman ang suspect na si Humprey Aurigue, 24, binata, waiter, stepson ng biktima na mabilis na tumakas dala ang ginamit na patalim sa pamamaslang.
Base sa imbestigasyon nina PO2 Rommel Sobrido at PO2 Richard Bautista ng Station and Investigation Branch (SIB) ng Valenzuela City Police Station, bandang ala 1:30 ng madaling araw ng maganap ang insidente sa loob ng tahanan ng biktima.
Dinatnan umano ng suspect na nagtatalo ang biktima at ang kaniyang ina na humantong sa panggugulpe ng una sa ginang.
Dahil dito ay nagdilim ang paningin ng suspect at kinuha ang kutsilyo sa kanilang kusina saka pinagsasaksak ng sunud-sunod ang biktima. (Ulat ni Jo Cagande)