Batay sa impormasyong nakalap mula sa mga kagawad ng Special Weapon and Tactics-Explosive Ordnance Division (SWAT-EOD) ng Caloocan City police, pasado alas-7 ng umaga nang makatanggap ng tawag ang kanilang tanggapan mula sa isang Shirly Gauran, staff ng Brgy. 38 Zone 4 sa nasabing lungsod.
Nabatid na ang nasabing pampasabog ay nakitang nakakonekta sa fuse box sa loob ng nasabing barangay hall kung saan dalawang piraso ng 1.5 boltahe ng baterya na nakasabit sa isang 240 volt capacitor at mga piraso ng revister na sinasabing accessories ng pampasabog ang nakuha ng mga tauhan ng SWAT-EOD.
Napag-alaman na bagamat baterya lamang ang ginamit sa nakitang IED ay maaari nitong gawing abo ang buong barangay hall, maging ang bahay na nakapaligid dito dahil sa ang mga kurdon nito ay ikinabit sa fuse box na siyang dinadaanan ng kuryente.
Hanggang sa kasalukuyan ay patuloy pa ring inaalam ng mga awtoridad kung sino ang responsable sa insidente. (Ulat ni Jo Cagande)