Hindi na umabot pang buhay sa Ospital ng Maynila ang biktimang si PO1 Michael Dennis Corpuz, 32, binata at nakatalaga sa Sta.Monica Police Community Precinct 8.
Tadtad ito ng tama ng bala ng baril sa katawan na naging dahilan ng kanyang kamatayan.
Sa ulat ng WPD Homicide Division, naganap ang insidente dakong alas-9:30 ng gabi sa kanto ng Gen. Malvar St., Malate kung saan nagroronda ang biktima sakay ng kanyang scooter.
Napansin nito ang isang taxi na walang plaka na sakay ang mga suspect at ito ay kanyang sinundan. Napansin naman siya ng mga suspect na huminto sa pagtakbo.
Bumaba ang biktima sa dalang scooter para sitahin ang mga suspect subalit hindi pa siya nakakalapit ay bigla na siyang pinaulanan ng bala ng mga ito.
Malaki ang paniwala ng pulisya na miyembro ng kidnapping syndicate ang mga tumakas na suspect. (Ulat ni Danilo Garcia)