Sa sampung pahinang desisyon ni Judge Lorefel Pahimna ng Pasig City Regional Trial Court Branch 69, bukod sa hatol na bitay pinagbabayad din nito ang akusadong si Roberto Aguilar ng halagang P125,000 para sa moral at civil damages sa biktima.
Kahit na nagpahayag ng ‘guilty plea’ ang akusado sa arraignment ng kaso, kamatayan pa rin ang hinatol dito dahil na rin sa menor-de-edad at kapamilya nito ang naging biktima.
Sa rekord ng korte, naganap ang insidente noong Mayo 4 taong kasalukuyan habang natutulog ang biktima kasama ang kanyang nakakabatang kapatid sa kanilang bahay sa Taguig nang maramdaman nito na may naghuhubad sa kanyang damit.
Nang dumilat siya ay nakita niya ang kanyang ama na noon ay nakasuot na lamang ng shorts.
Sisigaw pa sana ang biktima subalit mabilis na tinakpan ng akusado ang kanyang bibig at tinakot na papatayin kapag nag-ingay. Dahil dito, naipagtagumpay ng akusado ang panghahalay sa sariling anak. (Ulat ni Edwin Balasa)