3 katao sugatan sa sunog

Tatlo katao ang malubhang nasugatan, samantalang aabot naman sa P10 milyong halaga ng mga ari-arian ang naabo makaraang masunog ang isang furniture shop, kamakalawa ng tanghali sa Caloocan City. Isa sa mga biktima ay nakilalang si Aldwin Brosas, fire volunteer, na nagtamo ng 2nd degree burn at ang dalawa pang trabahador na sina Anne at Randy na kapwa nagtamo ng 3rd degree burn. Base sa ulat, dakong alas-12:45 ng tanghali nang masunog ang ACR Furniture na pag-aari ng isang Tony Tan, sa #189 8th Ave. Ext., Caloocan City. (Ulat ni Rose Tamayo)