15 political prisoners magha-hunger srike sa pagdating ni Bush

Magsasagawa ng limang araw na hunger strike ang 15 political prisoners sa New Bilibid Prison (NBP) bilang protesta sa pagdating sa bansa ni U.S. President George W. Bush sa darating na Sabado.

Nabatid na kabilang dito si Rolando Contenente na sangkot sa pagpaslang kay Col. John Row, isang sundalong Amerikano na inambus habang papalabas sa JUSMAG, Quezon City maraming taon na ang nakalipas.

Base sa rekord ng NBP, dapat aniya ay nakalaya na si Contenente ngunit pinigil umano ng U.S. government ang pagpapalaya dito.

Ang hunger strike ng 15 political prisoners ay sisimulan ngayong araw na ito hanggang sa Sabado sa mismong araw nang pagdating ni Bush.

Makikiisa rin umano sa aksyon ang iba pang mga political prisoners na nakalaya na. (Ulat ni Lordeth Bonilla)