Naliligo sa sariling dugo at wala nang buhay sanhi ng tinamong tama ng bala ng baril sa dibdib nang matagpuan ang biktimang si Danilo Rosario, residente ng Samson St. corner Pascual Avenue ng nabanggit na lungsod.
Batay sa ulat ng pulisya, natagpuan ang bangkay ng biktima ng kanyang driver na si Amehryst Aquino dakong alas-10:20 ng gabi na nakahandusay malapit sa hagdanan sa loob ng kanyang bahay.
Ayon kay Aquino, nakita na lamang umano nito ang bangkay ng biktima nang magtungo siya sa bahay nito upang kunin ang kanyang sahod kung saan ay napilitan na lamang umano siyang pumasok sa loob ng bahay nang walang sumasagot sa katok niya.
Sa inisyal na imbestigasyon ng pulisya, lumalabas na nanlaban ang biktima sa mga salarin kung kaya’t napilitan itong barilin ng mga suspect at saka mabilis na nagsitakas at hindi naisagawa ang pagnanakaw. (Ulat ni Rose Tamayo)