Pekeng PSN reporter gumagala

Nalaman ng management ng Pilipino Star Ngayon (PSN) na isang ‘Enrico Magpoc’ ang lumalapit sa mga lokal na opisyal sa CAMANAVA area upang mag-solicit ng salapi para sa diumano’y special supplement ng pahayagang ito.

Ipinaaabot ng PSN sa lahat ng mga nilapitan ng impostor na ito na walang ganyang solicitation ang PSN.

Ang ano mang transaksyong pasukin at mga dokumentong ipinakita nito gaya ng ID at solicitation letter na sinasabing may pirma ni PSN Editor-in-Chief Al Pedroche ay mga huwad.

Nabisto ng PSN ang modus operandi nang tumawag kamakailan kay Pedroche ang sekretarya ni Councilor Boyong Manalac ng Malabon upang beripikahin kung empleyado nga ng PSN ang impostor kaya naman nabuko ang modus operandi nito. Inuulit namin wala kaming empleyadong ‘Enrico Magpoc’. Mag-ingat ang lalapitan nito.