Nabatid na dakong alas-10 ng umaga nang salakayin ng pinagsanib na pwersa ng Central Police District (CPD) at Philippine Drug Enforcement Agency (PDEA) ang isang abandonadong bahay sa 27 Buick St., Dahlia Subd., Fairview sa nabanggit na lungsod sa bisa ng search warrant na inisyu ni Quezon City Regional Trial Court (QCRTC) Branch 93 Judge Antonio Roselias.
Sa panayam kay PDEA Deputy Chief for Operations P/Supt. Rodolfo Caisip, apat na drum na naglalaman ng mga kemikal na amphetamine at toluene na ginagamit sa paggawa ng nasabing droga ang nasamsam sa nasabing bahay na umano’y inabandona mula pa noong Hunyo na sinasabing pag-aari ni Ret. Gen. Mariano Filart at kasalukuyang inuupahan ng isang Chinese national na si Wilson So. Sa kasalukuyan ay inaalam pa ng mga awtoridad ang pagkakakilanlan ng mga suspect na namamalakad sa nasabing shabu lab na nagawa namang nakatakas sa nasabing raid. (Ulat nina Joy Cantos/Angie dela Cruz)