Maynila 23 oras na mawawalan ng tubig

Mawawalan ng tubig ang ilang bahagi ng Maynila simula sa Miyerkules, Hulyo 16 dakong alas-10 ng gabi hanggang sa Huwebes.

Ayon sa Maynilad, ang water interruption ay bunsod ng cutting at plugging ng 1,050 mm diameter at 650 mm diameter ng mainlines sa kahabaan ng Guadalcanal at Sta. Mesa patungong San Juan River.

Kabilang sa mga lugar na mawawalan ng tubig ay Malacañang Palace, Brgy. San Miguel, Quiapo, Sta. Mesa, Paco, Pandacan at ilang lugar sa Recto.

Makakaranas naman ng mahinang supply ng tubig ang ilang bahagi ng San Andres, Sta. Cruz at Binondo.

Pinapayuhan na pansamantalang mag-imbak ng tubig ang mga apektadong lugar hanggang matapos ang water interruption.