Pormal na dumulog sa Central Police District- Anonas Station ang biktimang si Frederick Lorenzana, 29, ng #7 Buenamar St., Buenamar Subd., Novaliches, Quezon City.
Sa imbestigasyon ng pulisya, dakong alas-11:45 ng gabi ng maganap ang panununtok sa biktima ng aktor nang makasabay niya ang huli sa tapat ng Miriam College sa Katipunan Avenue ng nabanggit na lungsod.
Aksidenteng nabangga ni Lorenzana ang Ford Expedition ng aktor kung kaya’t agad siyang bumaba ng delivery van at kinausap ang driver ni Santiago kasabay ng paghingi ng dispensa.
Habang kinakausap ng biktima ang driver ng aktor ay bigla umanong lumabas ng sasakyan ang huli at saka pinagmumura at sinuntok ang una.
Bukod dito, kinuha pa ng aktor ang lisensiya ni Lorenzana at saka mabilis na umalis. (Ulat ni Doris Franche)