Ayon kay CPD director Chief Supt. Napoleon Castro na nakita ng mga nagpapatrulyang mobile car ang isang puting Honda Civic na may plakang WHJ-515 na nakaparada sa nabanggit na lugar.
Papalapit na sa kotse ang mga operatiba nang biglang lumabas ng sasakyan at nagtatakbo ang mga suspect na kinabibilangan ng isang Chinese looking na babae at isang lalaki. Dahil sa pagmamadali naiwan ng mga suspect ang susi ng sasakyan sa loob ng kotse.
Nang inspeksiyunin ng mga awtoridad ang sasakyan nakita nila ang isang bag na doon nakalagay ang may walong supot ng shabu na tumitimbang ng 2 kilo ang bawat isa.
Ayon naman kay Quezon City Mayor Feliciano Belmonte, na ang kotse ay nakapangalan sa isang Erlinda Santos ng Grace Park, Caloocan. Inaalam pa ng pulisya kung ito ay isang carnap vehicle o sadyang ginagamit talaga sa ilegal na operasyon ng droga. (Ulat ni Doris Franche)