Patay na nang idating sa East Avenue Medical Center ang biktimang si Roberto Sacdalan, 25, ng Dos Castillas St., Sampaloc, Maynila matapos magtamo ng isang tama ng bala ng baril sa sentido.
Batay sa pagsisiyasat ng pulisya, sakay ng White Dragon Isuzu Mega Taxi ang biktima dakong alas-9 ng gabi nang maganap ang panghoholdap.
Binabaybay umano ng naturang taxi ang Quezon Avenue kasama ang iba pang mga pasahero at ang dalawang suspect nang biglang nagpahayag ng holdap.
Tumanggi si Sacdalan na ibigay ang kanyang pera at alahas kung kaya’t binaril ito ng isa sa mga suspect at tinamaan sa sentido.
Matapos ang ginawang panghoholdap at pamamaril sa biktima ay mabilis na tumakas ang mga suspect.
Iniimbestigahan pa ng pulisya kung kasabwat ang driver ng naturang taxi. (Ulat ni Doris Franche)