Pedicab driver, 2 anak tiklo sa droga

Isang pedicab driver at dalawang anak nito na paslit ang inaresto ng mga tauhan ng WPD-Drug Enforcement Unit sa isinagawang buy-bust operation kahapon ng umaga sa Vito Cruz, Maynila.

Nakilala ang suspect na si Renato Briones, 37, may asawa ng 1696 F. Muñoz St. Pasay City at dalawa pang anak nito na 5 at 4 na taong gulang.

Sa pagsisiyasat ng WPD-DEG, alas 9 ng umaga nang may natanggap silang impormasyon na ginagamit ng suspect ang kanyang dalawang anak sa pagbebenta ng shabu.

Dahil dito, isang pulis ang nagpanggap na buyer kay Briones at habang iniaabot ang shabu, agad itong dinakip ng mga pulis.

Sinabi naman ng dalawang bata at mga anak ng suspect, hindi nila alam na shabu ang ipinagbibili ng kanilang ama at inuutusan lamang silang dalhin ang plastic sachet sa mga bumibili. (Ulat ni Rudy Andal)