Big 3 binigyan ni Atienza ng 3 buwan

Tatlong buwang palugit pa ang ibinigay ni Manila Mayor Lito Atienza sa tatlong malalaking kompanya ng langis upang manatili sa Pandancan Oil Depot.

Tumagal ng tatlong oras ang special session ng Konseho ng Maynila kung saan napagkasunduan na manatili pa ng tatlong buwan ang operasyon ng Pilipinas Shell, Petron at Caltex.

Nabatid na ang tatlong buwang palugit ay bunsod na rin ng pahayag ni Pangulong Arroyo na bigyan ang tatlong oil companies ng pagkakataon dahil na rin sa bantang giyera sa Gitnang Silangan.

Ayon naman kay Atienza, kailangan na ring makapag-imbak ng langis upang hindi kulangin sakaling magsimula na ang giyera ng Iraq at Amerika. (Ulat ni Jay Mejias)