Ang suspect na si Lito Villafrancia, residente ng 3576 B. Aires St., Sta. Ana ay pinaghahanap na ng mga awtoridad at nakatakdang sampahan ng kasong murder.
Habang ang biktimang si Mario Perez, 24, stay-in helper sa 3576 ay namatay noon din matapos na barilin sa sentido.
Nabatid mula sa ulat ng pulisya na dakong ala-1:30 ng madaling-araw sa loob ng vulcanizing shop na pag-aari ni Aniceto Villafrancia, 41, tiyuhin ng suspect naganap ang insidente.
Bago maganap ang insidente ay nakipag-inuman muna umano ang biktima sa mag-amang Aniceto at Jaime, 23, nang bigla na lamang dumating ang suspect.
Sinasabing nagalit umano ang suspect nang komprontahin ito ng biktima kaugnay sa umano’y panliligaw nito sa live-in partner ng huli na si Flordeliza Cortez, 22.
Posible umanong naghihinala ang biktima laban sa suspect na may relasyon ito sa nabanggit na live-in partner.
"Malamang nagselos ang biktima kaya lang naunahan siya ng suspect," ani pa ni Aniceto. (Ulat ni Grace dela Cruz)