Hindi na umabot ng buhay sa Fairview General Hospital ang biktimang si Israel Bulan, 42, ng #22 Ninada St., Litex Rd., Brgy. Commonwealth ng nasabing lungsod.
Ayon sa ulat ng Central Police District-Criminal Investigation Unit (CPD-CIU) dakong alas-5:30 naganap ang insidente sa harapan ng bahay ng biktima habang umiinom ito ng kape.
Sa hindi mabatid na dahilan ay nagkasagutan ang dalawang kapitbahay ng biktima hanggang sa umabot sa mainitang pagtatalo.
Sa gitna ng argumento ay bigla na lamang bumunot ng baril ang suspek at nagpaputok sa ere subalit minalas namang tamaan ng ligaw na bala ang biktima na ikinasawi nito.
Kaugnay nito, dalawa sa limang biktima na tinamaan din ng ligaw na bala ng baril ay kinilalang sina Angelo Dizon at Amelia Adolfo na ngayon ay nasa East Avenue Medical Center.
Sa Quezon City Medical Center, apat katao ang isinugod bunga ng mga tinamong sugat mula sa paputok habang dalawang bata ang iniulat na nasugatan naman sa watusi.
Labimpito katao, anim dito ang nasa malubhang kalagayan sa East Avenue Medical Center sanhi rin ng tinamong mga sugat dulot ng paputok. (Ulat ni Doris Franche)