Kaagad na tumakas ang nagpakilalang NBI agent na si John Sandoval, ng 6886 Washington St., Brgy. Pio del Pilar, Makati City.
Ang biktima na itinago sa pangalang Alicia, ng Malamig st., Teachers Village, Quezon City ay napag-alamang pinaggamit din ng droga ng suspek.
Ayon sa reklamo ng biktima kay PO2 Carina Oliquino ng Womens and Children Protection Desk Unit, Makati City Police, kakilala niya ang suspek at niyaya siya nitong sumama sa kanilang bahay sa Makati City.
Nagtiwala naman ang dalaga at pinaunlakan niya ang paanyaya ng suspek, dakong alas-7:00 kahapon ng umaga nang sila ay nasa bahay na ng suspek ay bigla umano siyang tutukan ng patalim sa leeg at nakalma lamang ito ng gumamit ng shabu kung saan pilit din siyang pinahitit nito.
Matapos pagamitin ng droga ang dalaga ay agad na isinagawa ng suspek ang panggagahasa, ngunit hindi ito tinuloy nang malaman niya na may buwanang dalaw ang babae.
Sa galit ng lalaki, sinuntok niya sa tiyan ang babae at iniwan ang bibiktimahin.
Sinamantala naman ito ng dalaga upang makatakas at agad ding nagharap ng reklamo sa Makati City Police Headquarters. (Ulat ni Lordeth Bonilla)