Ayon sa Bomb Squad Disposal Unit, Makati City police, dakong alas-2:52 kamakalawa ng hapon nang matagpuan ang isang fragmented grenade ng isang Ben Fernandez, isang Bantay-Bayan, Brgy. Pembo, ng lungsod na ito.
Natagpuan ni Fernandez ang naturang granada sa B-212, L-43, Lower Azucena, Brgy. Pembo.
Iniimbestigahan pa ng pulisya kung ito ba ay sadyang inihagis o itinanim lamang ng hindi pa kilalang suspect. Mabuti na lamang at walang nadisgrasya at agad na naagapan ang posibleng pagsabog nito. (Ulat ni Lordeth Bonilla)