Nakilala ang nasawi na si Rolando Reyes, 23, butcher, ng Bonifacio St., Vitas, Tondo.
Nadiskubre ang bangkay nito ni Jaime Lardizabal, isa niyang kasambahay na nakabitin sa loob ng kanilang banyo dakong alas-12:05 ng hatinggabi.
Base sa isinagawang inisyal na pagsisiyasat, nabatid na palaging nag-aaway si Rolando at ang misis nito dahil sa pag-uwi ng lalaki ng madaling araw at madalas ay lasing pa.
Sa tuwing magkakaroon ng komprontasyon sa pagitan ng mag-asawa ay laging ipinananakot ng nasawi na magpapakamatay na lamang siya upang hindi na marindi sa boses ng asawa.
Dahil naman umano sa palaging ito ang ipinananakot ng lalaki, napundi na rin ang misis ay hinamon ang asawa na totohanin ang banta.
Laking gulat nito kinabukasan na tinotoo ng kanyang mister ang banta. (Ulat ni Grace dela Cruz)