Nakilala ang nasawi na si Mediel Encarnacion, tubong Dumaguete City at naninilbihang katulong sa isang Korean sa #34 Andrew St., Multinational Village, Brgy. Moonwalk ng nabanggit na lungsod.
Ito ay nagtamo ng pitong saksak sa iba’t ibang bahagi ng katawan.
Samantala, kaagad na tumakas ang limang hindi pa nakilalang suspect tangay ang hindi pa mabatid na halaga na kinabibilangan ng cash at mga alahas.
Ayon sa imbestigasyon ni SPO3 Odeo Cariño, ng CID, Parañaque City naganap ang insidente sa pagitan ng alas-6 hanggang alas-7 ng umaga.
Nabatid na nakuhang makapasok ng mga suspect sa naturang bahay at hinanap ang amo ng nasawi.
Nang hindi matagpuan ang Koreano ay ang katulong na si Mediel ang pinagdiskitahan ng mga itong saksakin.
Matapos ang isinagawang krimen mabilis na nagsitakas ang mga suspect dala ang hindi pa mabatid na halaga na kinabibilangan ng mga alahas at cash na kinuha sa kahe de yero ng dayuhan.
Patuloy naman ang isinasagawang imbestigasyon sa kaso. (Ulat ni Lordeth Bonilla)