Kinilala ni Chief Insp. Napoleon Bataycan, investigation chief ng Malabon police ang biktimang na nasawi sa pinangyarihan na krimen ay nakilalang si Melvin Lardizabal, 28, binata at residente ng 129 Hernandez st., Brgy. Catmon ng nasabing lungsod.
Ang mga suspek na pinaghahanap ng pulisya ay nakilalang sina Allan Salazar at isang alyas Reggie na pawang nakatira sa nasabing lugar.
Sa ulat ng pulisya, naglalakad ang biktima kasama ang kaibigang si Joel Comandante dakong ala-1 ng madaling araw ng biglang harangin sila ng mga suspek na armado ng patalim.
Mabilis na tumakbo si Comandante habang inabutan ng mga suspek ang biktima saka pinagtulungang saksakin ng mga ito.
Sinabi naman ng ilang kapitbahay,nakita nilang bumagsak na duguan sa kalsada ang biktima kung saan ay nilapitan pa ito ng mga suspek saka nagtampisaw ang mga ito sa duguang katawan ni Lardizabal saka dinilaan ng mga ito.
Nagtawanan pa umanong naglakad palayo ang mga suspek habang nilalasap ang dugo sa kanilang mga kamay.
Pinaghahanap ng mga awtoridad ang mga suspek na pinaniniwalaang miyembro ng isang kulto na pawang mga uhaw sa dugo ng tao.(Ulat ni Rudy Andal)