Si Ustad Nur Mohammad, alyas Abu Muslim Al Ghozi ay bumaba sa Manila Domestic Airport dakong alas-12 ng tanghali sakay ng Philippine Airlines flight PR 454 buhat sa Gen. Santos City.
Kasama ng suspected bomber si Senior Supt. Bartolome Baluyot, hepe ng Criminal Investigation and Detection Group (CIDG) at Supt. Napoleon Cuanto, team leader ng CIDG na umaresto kay Mohammad.
Nakaposas at nanatiling tahimik si Mohammad habang isinasakay sa isang van patungo sa Department of Justice.
Matatandaan na pinasabog ng hinihinalang terorista ang Gensan flea market kamakailan. Ang bomba ay itinanim sa isang nakaparadang tricycle sa may palengke.
Labinlimang sibilyan ang iniulat na nasawi, habang marami pa ang nasugatan. (Ulat ni Butch Quejada)