Gayunman, nakatakas naman sa isinagawang follow-up operation ang lider ng grupo na umano’y anak ng isang prominenteng politiko sa Caloocan City at isang mataas na opisyal ng pulisya sa CAMANAVA area na siyang nagbibigay proteksyon sa sindikato.
Kinilala ni Valenzuela Police chief Senior Supt. Leopoldo Urena ang mga nadakip na sina Jerome Matias, 27; Ronald Cleopas, 17 at Frederick Cleopas, 16, pawang naninirahan sa Rubyville Subd., Baesa , Caloocan City.
Nakatakas ang kanilang lider na pansamantalang hindi binanggit ang pangalan, gayundin ang protektor na opisyal ng pulisya.
Narekober sa mga nadakip ang limang chop-chop na owner type jeep at isang Nissan Sentra sa loob ng kanilang warehouse sa isang abandonadong gusali sa Barrio Ligas, Malolos, Bulacan.
Ibinulgar ng suspect na si Matias na bilang miyembro ng sindikato tumatanggap siya ng P15,000 kada buwan. (Ulat ni Rose Tamayo)