Binata tiklo sa 1 kilong marijuana

Isang kilo ng marijuana at drug paraphernalias ang nasamsam ng mga tauhan ng Drug Enforcement Unit (DEU) sa isang binata sa matapos ang isinagawang buy-bust operation, kahapon ng madaling araw sa Barangay South Cembo sa Makati City.

Nakilala ang naarestong suspect na si Tomas Magsano, 39, ng 22-B. Gen. Malvar St., ng nasabing lungsod.

Base sa imbestigasyon, dakong alas-8 ng gabi nang magsimulang postehan ng mga pulis ang pinaglulunggaan ni Magsano.

Nabatid na inabot sila ng madaling araw nang eksaktong madakip ang suspect matapos na bentahan nito ang isang tauhan ng Makati Anti-Drug Abuse Council.

Nasamsam sa suspect ang may isang kilo ng pinatuyong dahon ng marijuana at mga drug paraphernalias. (Ulat ni Lordeth Bonilla)