Kinilala ni SPO4 Nenita Abanes, hepe ng Women’s Desk ang nadakip na suspect na si Eduardo Marquez, 20, binata ng Cupang, Antipolo City.
Base sa ulat ng pulisya, naganap ang panghahalay dakong alas-12:30 ng tanghali sa loob ng ginagawang simbahan ng San Antonio na matatagpuan sa M.H. Del Pilar St., Brgy. Calumpang, ng lungsod na ito.
Base sa sumbong ng biktimang itinago sa pangalang Jenny,14, nakipagkaibigan muna sa kanya ang suspect at di naglaon ay niyaya siya nito na magtungo sa simbahan na doon nagtatrabaho ang suspect.
Pagdating sa ginagawang simbahan ay puwersahang inihiga at hinubaran ng suspect ang biktima at saka tuluyang ginahasa.
Matapos ang panghahalay ay tinakot pa ng suspect ang biktima na huwag isusumbong ang mga pangyayari, subalit nagharap pa rin ito (biktima) ng sumbong sa pulisya kaya agad na naaresto ang suspect. (Ulat ni Danilo Garcia)