Eskwelahang kunsintidor sa fraternity ipapasara

Ipasasara ang mga eskuwelahan sa Maynila na mapapatunayang kumukunsinti sa mga fraternity para maiwasan ang mga hazing at frat-war ng mga estudyante.

Ito ang panukalang gustong ihain ni 1st District Councilor Isko Moreno.

Ayon kay Moreno, maraming buhay daw ang nasasayang sa pagsali ng mga estudyante sa mga fraternity sa mga eskuwelahan na wala namang buting idinudulot kundi puro kaguluhan.

Sabi ni Moreno, kailangan tiktikan ng mga guro ang kanilang estudyante sa mga eskuwelahan para malaman ang galaw ng mga ito kung may sumasali sa fraternity maging ito ay nasa loob ng paaralan o labas. (Ulat ni Andi Garcia)