P1 idagdag sa sine, giit ng GSP

Upang masuportahan ang programa ng Girl Scouts of the Philippines (GSP), ipinanukala ni Quezon City Councilor Wilma Amoranto-Sarino ang pagdadagdag ng P1 sa halaga ng tiket sa mga sinehan sa buwan ng Setyembre ng taong kasalukuyan.

Ayon kay Sarino, maraming proyekto ang GSP subalit hindi natutugunan sa kawalan ng pondo mula sa pamahalaan.

Sinabi ni Sarino na ang GSP ng Quezon City ang siyang may pinakamalaking bilang ng nagpaparehistro.

Ito rin ang kadalasang tumatanggap ng parangal na Outstanding Girl Scout in Program and Training.

Hindi kaila na ang GSP ang siyang nagiging training ground ng mga kabataang upang mapalawig pa ang kanilang galing.

Aniya, maraming proyekto ang GSP subalit hindi naisasagawa sa kakulangan ng pondo. (Ulat ni Doris Franche)