Nabatid kay SPO1 Danilo Galang ng Station 5 ng Central Police District na pasado alas-10 ng umaga kahapon nang maganap ang insidente sa Dhalia St. na kalapit ng FEU Hospital sa Fairview.
Sakay ng isang truck ang biktima na nakilalang si Jimmy Go, nasa hustong gulang at kasama ang driver na si Ernie Ravilla nang dukutin ito ng apat na armadong suspect na sakay ng isang berdeng Isuzu Highlander na hindi pa batid ang plaka.
Tanging ang Tsinoy lamang ang dinukot habang si Ravilla ay iniwan sa pinangyarihan ng insidente kaya’t ito rin ang nagsuplong sa pulisya ukol sa krimen.
Sinabi ni Ravilla na galing sila ng Bulacan at may pupuntahan lamang sa may Fairview nang sila ay dukutin ng kanyang amo.
Patuloy na iniimbestigahan ng QC police ang insidente habang naglunsad ng manhunt ang pulisya laban sa mga suspect. (Ulat ni Angie Dela Cruz)