Akting ng De Rossi sisters pinagtalunan, 1 todas

Nasawi ang isang 25-anyos na lalaki nang pagsasaksakin ng mga kainuman dahil sa pagtatalo kung sino ang magaling na aktres kina Assunta at nakababatang kapatid na si Alessandra De Rossi sa pelikulang "Hubog", kahapon ng madaling-araw sa Quezon City.

Tinadtad ng saksak sa kanyang katawan si Larry Iglesias alyas "Patod" na namatay din sa lugar ng pinangyarihan.

Sa ulat ng Central Police District Office-Criminal Investigation Unit (CPDO-CIU), naganap ang insidente dakong alas-2:50 ng madaling-araw sa likod ng Circle K Bldg., Garte Market, Samson Road, Quezon City.

Nakikipag-inuman si Iglesias sa suspect na hindi pa nakikilala nang makipagdebate ito sa istilo ng pag-arte ng magkapatid na parehong nagwagi sa kanilang pag-arte sa Metro Manila Film Festival.

Naging mainit ang debatehan at umabot sa pagbubunot ng patalim ng ka-debate ng biktima at pinagsasaksak ito.

Nahinto lamang ang pananaksak kay Iglesias nang makita ng suspect ang mga nagrespondeng tanod.

Agad nagsitakas ang mga ito matapos ang insidente. (Ulat ni Jhay Mejias)