Paslit patay sa sagasa ng kotse

Isang apat-na-taong gulang na batang lalaki ang nasawi matapos itong masagasaan ng kotse kamakalawa sa bayan ng Taguig.

Kinilala ng Taguig Police ang biktima na si Patrick Lacatan, ng B4 L29, Phase 1, Pinagsama Village, Brgy. Western Bicutan.

Kusang-loob namang sumuko ang driver na si Nelson Sanchez, 36, ng Brgy. San Roque 2, Pag-Asa, Quezon City.

Sa imbestigasyon, naganap ang insidente dakong alas-5:30 kamakalawa ng hapon sa kahabaan ng C-5 Road, Brgy. Western Bicutan.

Nabatid na iniwan ng kanyang ina ang biktima na nag-iisa nang magbabayad ito ng bill ng Meralco.

Lumabas ito ng bahay at naglakad patungong C-5 Road nang mahagip ng Isuzu Elf na may plakang UAL-295.

Si Sanchez ay nasa custody ngayon ng pulisya. (Ulat ni Lordeth Bonilla)