Ex-Manila police nasagasaan ng tren

Masaklap ang naging kamatayan ng isang dating pulis Maynila matapos mahagip at makaladkad ng rumaragasang tren kamakalawa ng gabi sa Sta. Cruz,Maynila.

Lasog ang mga katawan ng biktimang si dating si PO2 Fedelino Sanalila,38,may-asawa,miyembro ng Batch 62 at residente ng Tondo.

Sa pagsisiyasat ni PO3 Luisito Acebuchhe,na dakong alas-7:30 ng gabi ay umangkas umano ang biktima sa dumadaan na tren sa kahabaan ng Tomas Mapua St.,Sta.Cruz.

Subalit ito umano ay nakabitaw na naging dahilan para ito ay bumagsak at pumailalim na naging daan para ito ay makaladkad.

Napag-alaman pa na nasibak sa tungkulin ang biktima dahil sa pagkalulong nito sa pinagbabawal na droga na naging dahilan para ito ay ma-AWOL.

Ang biktima din umano ang nakabaril at nakapatay sa isang pulis na pamangkin ng namatay na si C/Insp. Joe Pring ilang taon na ang nakakalipas. (Ulat ni Ellen Fernando)