65 anyos nanumpa na rin sa wakas bilang abogado

Dahil sa sobrang katandaan, pinayagan na rin sa wakas ng Korte Suprema na makapanumpa bilang abogado ang isang lalaking matagal nang panahon ay nakapagtapos ng abogasya at nakapasa sa bar.

Si Severino de Leon Jr., ay pinayagan na ng Korte Suprema na makapanumpa bilang abogado makaraan ang mahabang panahong pagmakaawa nito.

Batay sa rekord, si Severino ay hindi pinayagan ng SC na maging abogado matapos na siya ay ireklamo ng asawang si Meleny noong Marso 14, 1966 dahil sa gusto umano siyang sunugin ni Severino.

Noong Abril 26, 1966 ibinasura ng city prosecutor ng Bacolod City ang nasabing reklamo matapos na magsumite mismo si Meleny ng affidavit of desistance.

Inamin ni Meleny na gawa-gawa lamang umano niya ang naturang akusasyon dahil sa matinding selos at sinunog lamang umano niya ang kanyang sarili upang ipakita sa korte.

Sa apat na pahinang resolusyon, sinabi ng Korte Suprema na napatunayan ni Severino sa loob ng 35-taon nitong pagmamakaawa ang malaking respeto sa korte upang igiit na maging miyembro nito.

Sa edad na 65-anyos nakuha din ni Severino ang titulo ng pagiging abogado. (Ulat ni Grace Amargo)