Namatay noon din si Ismael Ilagan, 20, ng Roxas District, Quezon City na anak ni Supt. Macario Ilagan na nakatalaga sa National Capital Region- Regional Operation and Planning Division sanhi nang pagkabasag ng bungo nito at pagkalasug-lasog ng katawan.
Samantala, hindi naman umabot pang buhay nang isugod sa Saint Agnes Hospital ang isa pang kasamahan ni Ilagan na nakilalang si Leandro Abakan, 36, ng nabanggit ding lugar.
Kasalukuyan namang nilalapatan ng lunas sa naturang pagamutan ang isa pang biktima na si Benny Balayan, 20.
Batay sa ulat, naganap ang aksidente dakong alas-12:10 ng madaling araw sa kasagsagan ng malakas na ulan sa kahabaan ng Roosevelt Avenue sa San Francisco del Monte sa Quezon City.
Nabatid na si Ilagan ang siyang nagmamaneho ng kanyang Mitsubishi Mirage na may plakang PBK-940 nang hindi nito mapansin ang isang poste ng Meralco sa naturang lugar.
Matapos sumalpok tatlong beses pang bumaligtad ang sasakyan ng mga biktima.
Halos nahirapan ang mga awtoridad na ilabas sa loob ng kotse ang mga biktima makaraang maipit ang mga ito sa nagkayupi-yuping parte ng sasakyan. (Ulat ni Jhay Mejias)