Mayor, bise at mga konsehal kinasuhan sa di-pagbabayad ng P14-M atty's fee

Kinasuhan ng indirect contempt sa Quezon City Regional Trial Court (QCRTC) ang mga opisyal ng Munisipalidad ng Tiwi, Albay, na kinabibilangan ng alkalde at bise alkalde, bunga na rin ng pagtangging bayaran ang P14 milyon attorney’s fee ng isang private lawyer na kanilang kinuha upang humawak sa kaso.

Ang mga sinampahan ng kaso ay sina Mayor Patricia Gutierrez, Vice Mayor Ruth Corral, Councilors David Beato, Jesus Consulta, Arlene Receirdo, Saturnino Clavecillas, Rey Custodio, Liberato Ulysses Pacis, Lorenzo Carlet, Orlando Lew Velasco, Jaime Villanueva at Bernardo Cosco, pawang miyembro ng municipal council ng Tiwi, Albay.

Batay sa petisyon ni Atty. Antonio Betito ng 6443 Araneta Ave., QC, hinihiling nito kay QCRTC Judge Lucas Bersamin na i-cite for indirect contempt ang mga respondents bunga na rin ng patuloy nitong pagtanggi na bayaran ang kanyang serbisyo. (Ulat ni Doris M. Franche)