3 OFW's tinutugis ng NBI

Ipinahahanap na sa kagawaran ng National Bureau of Investigation (NBI) ang tatlong Overseas Filipino Workers (OFW’s) na pumaslang sa kasamahan nilang OFW na si Jaime dela Cruz sa bansang Saudi Arabia matapos na manalo ito ng P270,000 Saudi riyals sa isang underground lotto doon.

Ayon pa kay Atty. Raul Dado ng Office of Legal Assistance for Migrant Workers Affairs (OLAMWA), na naririto na sa bansa ang tatlong suspect na sangkot sa pagpaslang kay dela Cruz noong Setyembre ng nagdaang taon.

Base sa ulat, si dela Cruz ay natagpuang patay sa isang kuwarto sa Taif General Hospital

Binanggit pa sa ulat na ninakaw ang napanalunang halaga ng biktima bago ito tuluyang pinaslang.

Hindi muna binanggit ang pangalan ng tatlong pinaghahanap. (Ulat ni Rose Tamayo)