Isyu sa Wikang Filipino tatalakayin sa Abril 17-20

Nakatakdang talakayin ang isyu tungkol sa wikang Filipino sa pagdaraos ng ika-29 na Pambansang Gawaing-Kapulungan sa Filipino ng PASATAF (Pambansang Samahan ng mga Tagamasid-Tagapagtaguyod ng Filipino) sa Abril 17-20, 2001 sa Teachers Camp, lungsod ng Baguio sa pakikipag-ugnayan sa Kawanihan ng Edukasyong Elementarya, Kawanihan ng Edukasyong Sekundarya, Komisyon sa Lalong Mataas na Edukasyon, Komisyon sa Wikang Filipino at Sangay ng Lungsod ng Baguio.

Ang okasyon na kaalinsabay sa pagdiriwang ng ika-45 taong anibersaryo ng pagkakatatag ng PASATAF ay tatalakay sa paksang "Wikang Filipino: Mga Isyu at Hamon ng mga Pagbabago."

Panauhing tagapagsalita si Senador Vicente Sotto III. (Ulat ni Danilo Garcia)