Taiwanese national hinatulan ng bitay sa shabu

Parusang kamatayan ang inihatol kahapon ng Malabon Regional Trial Court sa isang Taiwanese national matapos itong mapatunayang nagkasala ng pagbebenta ng may 16 kilo ng shabu noong nakarang taon.

Si Shu Si San, 32, alyas Alvin Ching Su, ng #19 Yellow Dale st., Araneta Village, Malabon ay pinagbabayad din ni Judge Benjamin Aquino ng P10 milyon bilang pinsala.

Ang akusado ay naaresto noong Mayo 31, 2000 matapos magpanggap na buyer ang isang pulis at bumili ng kalahating kilo ng shabu dala ang P25,000 marked money.

Sa bisa ng search warrant na dala ng Nargroup ay narekober pa sa bahay nito ang may 16 kilo ng shabu. (Ulat ni Gemma Amargo)