Hindi na umabot ng buhay sa Makati Medical Center ang biktima na nakilalang si Maurillo Divina, residente ng P. Cortez St., Bgy. Pinagkaisahan ng nasabing lungsod.
Sa pagsisiyasat ni PO2 Reynaldo Juan ng Homicide Division ng Makati PNP na dakong alas-9 ng gabi nang matagpuan ang biktima ng kanyang bayaw na si Antonio Digol na nakabigti ito gamit ang nylon cord.
Agad na binaba ni Digol ang biktima mula sa pagkabigti at mabilis na isinugod sa nabanggit na ospital subalit ito ay idineklarang dead on arrival ng mga doktor.
Sa pahayag ng mga kamag-anak ng biktima kay PO2 Juan na isa sa dahilan kung bakit umano nagpakamatay ang biktima ay dahil sa hindi ito makasakay ng barko gayong kumpleto na siya sa mga papeles sa pagiging seaman matapos maka-graduate. (Ulat ni Lordeth Bonilla)