Trader ninakawan na, pinatay pa ng 5 tauhan

Isang negosyante ang namatay makaraang pagtulungang paluin at bugbugin ng kanyang limang tauhan matapos itong pagnakawan kamakalawa ng gabi sa Quezon City.

Kinilala ni CPD director Victor Luga ang biktimang si Donsalvo Bolata Jr,., 40, ng #371 Katipunan Avenue, Loyola Heights, QC.

Pinaghahanap na ang limang tauhan nito na nakilala sa mga alyas na Dodong, Danny, Daniel, Allan at isa pang hindi nakilala.

Ayon kay SPO2 Ramon Fernandez, bandang alas-11:20 ng gabi habang natutulog ang biktima sa kanyang silid ng pasukin ng mga suspek.

Subalit nagising ang negosyante kaya pinagpapalo ng tubo at ginulpi ang kanilang amo hanggang sa mapatay.

Bukod sa P250,000 cash ng biktima ay kinuha rin ng mga suspek ang 9mm baril ng nagsitakas na mga salarin. (Ulat ni Rudy Andal)