Bangkay ng Pinoy seamen dumating

Dumating na sa bansa kahapon ang anim na Pinoy seamen na pawang nasawi makaraang tumaob ang sinasakyan nilang cargo vessel sa trahedyang naganap sa karagatan ng Japan noong nakaraang Linggo, pahayag ni Edmund Eddun, Overseas Workers Welfare Administration (OWWA) officer sa NAIA.

Ang mga biktima ay nakilalang sina Crispin Gelleganic; Henry Quinoz; Rodolfo Trono; Josie Rollie Lacopa; Juanito Bangcal, na pawang tubong Iloilo, at isang delos Reyes ng Caloocan City.

Pinalad namang makaligtas ang limang sina Eric Dedel, Eddie Naval, Rodolfo Amante, Geronimo Manalo at Michael Arche.

Ang mga Pinoy ay sakay ng MV "Y" Kua at naglalayag dakong madaling araw noong Enero 7 ng makasagupa ang malaking alon at ipaghampasan ang barko na sanhi para ito tumaob at malunod ang mga tripulante.

Tiniyak naman ni OWWA Administrator Eli Gardiner ang tulong pinansiyal para sa mga biktimang Pinoy seamen. (Ulat ni Butch Quejada)