Kasalukuyang ginagamot sa Martinez Memorial Hospital sanhi ng mga saksak sa hita ang biktimang si Jocelyne Garcia, 19, estudyante ng Far Eastern University (FEU) at residente ng #13 Purificacion st., Maypajo, Caloocan City.
Naaresto naman ang suspek na itinago sa pangalang Angelo, out-of-school youth at nakatira sa Kadiwa st., nasabing lungsod.
Ayon kay Supt. Eduardo Bayangos ng Caloocan police station 2, dakong alas-3 ng madaling araw habang natutulog ang biktima sa bahay nito ng biglang pumasok ang suspek sa bintana upang umano’y magnakaw.
Nagising ang biktima at ng makita nito ang suspek ay agad siyang sinaksak sa hita at tinangka pa umanong gahasain kaya nagsisigaw ang babae na ikinagising ng mga kasambahay nito.
Tumakas ang batang suspek pero nadakip ni Bgy. Ex-O Sesinando Germo ng Bgy. 27 Zone 3.
Nabatid na ang batang suspek ay isa umanong adik at nagtangkang magnakaw para makabili ng droga. (Ulat ni Gemma Amargo)