Ayon kay PNP director Gen. Panfilo Lacson, ang pahayag ng Pangulo ay matapos ang ginawang pagdalaw sa labi ni SPO4 Roberto Gutierrez sa Loyola Memorial Chapel kamakalawa ng gabi. Si Gutierrez ay kasamang nasawi ni Salvador ng sumabog ang bomba habang sinisikap ng dalawa na huwag itong pumutok.
Ayon kay Lacson, nalaman ng Pangulo na ang pamilya ni Salvador ay nakatira sa squatters area at hirap ang buhay.
Ang pamilya ng dalawang pulis ay binigyan ng Pangulo ng tig-P500,000 at pinagkalooban ng scholarships ang kanilang mga anak bukod pa sa posthumous promotion.
Ang labi nina Salvador at Gutierrez ay inilibing kahapon sa Libingan ng mga Bayani sa Fort Bonifacio bilang bahagi ng parangal ng PNP at pamahalaang lungsod ng Makati sa kanilang kabayanihan sa pagsagip sa buhay ng mga mamamayan. (Ulat nina Lilia Tolentino/Lordeth Bonilla)