Ayon sa mga arson pro-bers, isang naiwang kandila ang pinagmulan ng sunog na naganap bandang alas-11:14 ng gabi, na nagmula sa unit na tinutuluyan ng isang Zenaida Ogario na nasa ikalawang palapag.
Kasalukuyan namang natutulog ang mga biktima nang nasusunog ang nasabing gusali na matatagpuan sa 2172 Fidel Reyes, St., Malate, Manila, kaya’t hindi na nagawang makaligtas ang mga biktima.
Halos hindi na makilala ang mga nasawing sina Patricio Bustillo, 72, at mga apong sina Marvin Macacando, 3; Nilo Macacando Jr., 7; Boy Ballo, 4; at, Maria Ballo, 3.
Kinilala naman ang mga nasugatan na sina Mark Anthony Pardosa, 20; Filomenso Quijado, 36; magkapatid na Marinel, 4 at Nelmar Macacando, 5.
Isinugod sa PGH at Ospital ng Maynila.
Dahil sa lakas ng apoy ay nahirapan ang mga bumbero na maapula at dineklara itong fire-out dakong alas-12:27 at patuloy na inaalam ang halaga ng napinsala ng sunog. (Ulat ni Ellen Fernando)