Tax amnesty sa Q.C. pina-i-extend

Hinikayat ni Quezon City Mayor Mel Mathay Jr. ang QC Council na i-extend ang implementasyon ng tax amnesty mula sa September 30 at gawing Nobyembre 30 taong ito upang bigyan ng sapat na panahon ang mga delinquent real property taxpayers na makapagbayad ng kanilang tax obligation at tuloy ay makalikom pa ang pamahalaang lunsod ng dagdag na pondo mula sa buwis sa lupa.

Kaugnay nito upang mabigyang daan ang kahilingan ni Mathay, nagsampa ng ordinansa si QC Councilor Pinggoy Lagumbay upang amyendahan ang Ordinance 931-S-200 upang mapalawig ang tax amnesty hanggang Nob. 20.

Nabatid sa real property division ng QC Hall na mahigit lamang sa 5,000 delinquent taxpayers ang nagbayad ng buwis mula sa humigit-kumulang na 20,000. Umaasa na makakalikom ng P100 milyon mula sa naturang tax amnesty. (Ulat ni Angie dela Cruz)